Kinal VIP ២០២៤

ថ្ងៃ១៥ មករា គឺជាថ្ងៃចាប់ផ្តើមប្រតិបត្តិការកម្មវិធី KINAL VIP ដែលរៀបចំឡើងជារៀងរាល់ឆ្នាំនៅទីក្រុងភ្នំពេញ ដោយសហគ្រាសផលិតឱសថប៉េប៉េអឹម តាំងពីប្រាំឆ្នាំមកហើយដើម្បីចុះជួបដៃគូពាណិជ្ជកម្ម ឱសថការី និងគ្រូពេទ្យ នៅ​ទីក្រុង​ភ្នំពេញ ខេត្តកណ្តាល កំពង់ស្ពឺ និងកំពង់ឆ្នាំង។

ក្នុងឱកាសនោះដែរ លោកឧកញ៉ាឱសថបណ្ឌិត ហៃ លីអ៊ាង ជាស្ថាបនិក និងប្រធានអគ្គនាយកសហគ្រាសផលិតឱសថប៉េប៉េអឹម បានមានប្រសាសន៍ថ្លែងអំណរគុណដល់អ្នកចូលរួមប្រមាណ ៣០០ នាក់ សម្រាប់ភក្តីភាពឥតងាករេរបស់អតិថិជន​ទាំងអស់​ចំពោះការ​គាំទ្រ​គ្រប់​ផលិតផលរបស់សហគ្រាសផលិត​ឱសថ​ប៉េប៉េអឹម។

លោកឧកញ៉ាក៏បានប្រគល់ប័ណ្ណសរសើរ​ដល់អតិថិជន​ឆ្នើម​ចំនួន​ ១០ រូបនៅ​ទីក្រុងភ្នំពេញ ជាមួយ​នឹង​កន្រ្តកអំណោយផលិតផលក្រុមហ៊ុនខនហ្វីរេល។

បន្ទាប់ពីលៀងភោជនាហារ ដើម្បីជាកិច្ចបញ្ចប់កម្មវិធីដ៏សប្បាយរីករាយនេះ ភ្ញៀវទាំងអស់បានចូលរួមពិធីចាប់ឆ្នោតផ្សងសំណាង ដែលមានរង្វាន់ជាច្រើន ក្នុងនោះរង្វាន់ធំ គឺម៉ូតូចំនួនពីរគ្រឿង។

កម្មវិធី KINAL VIP ក៏បានបន្តរហូតដល់ដើមខែកុម្ភៈ នៅតាមបណ្តាខេត្តនានាដូចជា កំពត កំពង់ចាម សៀមរាប បន្ទាយមានជ័យ រួចបញ្ចប់នៅខេត្តបាត់ដំបង។

លោកលួង សុភារ៉ា អនុប្រធានផ្នែកលក់នៃសហគ្រាសផលិតឱសថប៉េប៉េអឹមនៅកម្ពុជា បានឱ្យ​ដឹងថា ជារៀងរាល់ឆ្នាំ ដោយសារកម្មវិធីនេះ ដៃគូពាណិជ្ជកម្មក្នុងស្រុករបស់សហគ្រាសចេះតែកើនឡើងជាលំដាប់៕